வெற்றிச்செல்வி

நிதம் எனை அலைக்கழிக்கும் கேள்வி ஒன்றுண்டு

எனைவிட மதி அதிகம் கொண்டவள் நீ 

எனையெப்படி உன்னவனாக தேர்ந்தெடுத்தாய் ? - போகட்டும் 

இம்முறை மட்டும் உன் தோல்வி என் வெற்றி என்றாகுக 

என் ஆணவம் பணியும் காலடி கொண்டவளே

நின் திருவடியே புகல் எனத் தெளிந்தேன்

உன்னால் புரக்கப்பட்டவன் நான் - இனி

உனையன்றி எனை வெல்ல எவரும் இல்லை

காலம் என்னை களவு செய்யும் வரை

என் விழைவும் வெற்றியும் இனியெப்போதும் உனக்கானவை ! 

- குமரன் (04/03/2019)