கொல்வேல் அரசி

பலபொழுது எண்ணியதுண்டு தோழி

நீ என் கைச்சிறைக்குள் இருக்கும்போதும்

எங்கோ நானறியா தொலைவில் இருப்பதாய்

என்னை முற்றும் அறிந்தவள் நீ - உன்னை

சற்றும் நெருங்கி அறியமுடியாதவன் நான்

தொலைவிருக்கையில் பெண் என ஒருமை கொள்கிறாய்

அருகணைகையில் அன்னை தோழி என இருமைகொள்கிறாய்

அறிவுரைக்கையில் அன்னை அணைத்திருக்கையில் தோழி

வெல்லமுடியாதவள் நீ ! ஆனால் தினமும் வெல்ல வாய்ப்பும் தருபவள்

ஒளியது நாடி உயிர்தரும் அந்தென உனைநோக்கி எனை ஈர்ப்பதும் அஃதே

 - குமரன் (20/03/2019)