இரு கொலைகள்

நான் எழுதிய கவிதையை

இதயம் கவர்ந்தவளுக்கு காட்டினேன்

அண்ணா!  இந்தக் கவிதை புரியவில்லை என்றாள்

என்னுள் இருந்த கவியும் காதலனும் ஒருசேர மரித்தனர்.

- குமரன் (13/04/2019) 

நிகரில்லாதவள்

ஒவ்வொரு ஆணும் விழையும் பெண்கள் இருவர்

தன்னை ஆணென உணரவைக்கும் ஒருத்தி

தன்னை மகவென  ஏந்திக்கொள்ளும் பிறிதொருத்தி

இவையிரண்டும் ஒருங்கே கொண்டவள் நீ

உன் மனதமர்ந்தவன் முழு உலகையும் வென்றவனாவான்

பின் இங்கு அவன் கொள்ள பிறிதொன்றில்லை - ஆம்

நான் வென்று தருக்க நினைத்த களத்தில் வென்றுவிட்டேன்

இனி இப்புவியில் நான் வெல்லவோ அடையவோ வேறேதுமில்லை

- குமரன் (12/04/2019)