தவம்

விலங்கிடப் பட்டிருக்கும்  கிளியே 

இந்த வானம் காத்திருக்கிறது

நீ உன் தளை அறுத்து சிறகு விரித்து

தனைச் சேரும் காலம் நோக்கி.

- குமரன் (30/09/2020)

முதற்பிரிவு

அவள் சொல்லிச் சென்றாள்

நாளை உதிர்வோம் என்று தெரிந்தும்

ஒன்றாய் மலர்ந்தவர் தானே நாம்

உன் நெருடலுக்கும் கவலைக்கும்

இவ்வுறவில் எப்பொருளும் இல்லை

இது நாம் உதிரும் கணம் அவ்வளவே என!

- குமரன் (18/02/2020)

நாளெல்லாம் காதல்

ஞாயிறு உன் கண்ணொளி கண்டு கூசுமோ

திங்கள் உன் வெண்மை கண்டு நாணுமோ

செவ்வாய் திறந்து நீ என்னை அருந்து

என் எல்லாப் பிணிக்கும் நீ நீயே மருந்து

- குமரன் (17/02/2020)